Gui de Nanteuil, chanson de geste du cycle des barons révoltés - Tome 1, Les manuscrits français

Oi avez de dame Aye la bele d'Avignon De Garnier de Nantueil le nobile baron Pres fu du parente Girart de Roussillon. Et fu cousin germain Regnaut le fix Aymon Aye prist a moillier par le congie Kallon. Tuit furent destourbe par .i. mauvez glouton Cil et nom Berengier si fu niez Guenelon Celui qui de Rollant fist la grant traison Qu'il verdi comme fel au roy Marcilion. Dont furent mort a glesve li .xii. compengnon Onques cil Berengier ne fist jour se mal non Lame li traist du corps Garnier le fix Doon Puis en requist la trieve Amalgre et Sanson Et il rochistrent lui par mortel traison.